名館 (希慎廣場) (已結業)

之前行希慎广场𠮶阵，已经留意到名馆依间餐厅。今日去完诚品，又够钟食饭，于是就决定要去会一会名馆同埋佢哋嘅美食喇。陈醋珊瑚海蜇头，一上菜，店员加水落碗边嘅干冰，瞬间腾云驾雾。海蜇头口感爽脆京川汁秋葵，红京川汁调味，令秋葵嘅味道无咁单一清寡。冰镇鲜菠萝咕噜肉，再一次嘅腾云驾雾，用咗鲜菠萝壳嚟做器皿，加埋干冰带嚟嘅较果，埋相相当精美，冰凉嘅咕噜肉，拣选咗唔会好肥嘅部位，酸酸甜甜非常好吃。鲍汁红腰豆炆海参，海参都算系大块，入口清爽弹牙。配上鲍汁同红腰豆，味道相当配合。依个𩠌我觉得加多个白饭就更正喇。流心鹌鹑蛋烧卖，原只鹌鹑蛋酿入烧卖中快蒸。不过好似蒸耐咗，只鹌鹑蛋熟咗，无咗流心。虽有有点美中不足，但烧卖仍然系好味嘅。太极马拉糕，原味同芝麻味，砌出一个太极图案，创意十足。