Chatuchak (已結業)

趁虎豹别墅停运之前同朋友去参观下，去之前就喺希慎食lunch先，行左一圈见哩间泰国菜几吸引又唔贵，就试下佢啦。所有饭面都系六十几蚊有交易，另外仲可以优惠价追加小食同饮品。落单俾钱之后，店员会俾哩个电子筹，等叫筹就可以出去取餐。泰式干炒牛河($64) - 炒河用左粗河粉，河粉唔会太厚，本身都够味同唔会太油，炒河可以跟猪牛鸡，我地拣左牛，牛肉份量对版，口感都唔会太鞋，加埋辣酱食都几正。冬阴功猪扒汤面($64) - 冬阴功汤面酸多过辣，辣度大约只有小辣程度，非常惹味。猪扒都几大块，已经预先切开方便食，肉质唔会太韧太鞋。河粉几薄几滑，上面仲有好多芽菜同通菜添！炸虾饼 & 春卷(跟餐加$24/两件) - 炸虾饼炸皮唔会太厚太硬，虾肉扎实，蘸甜酸酱几好食。炸春卷仲系脆嘅，入面带少少QQ 感。泰式热情果薄荷梳打 ＆ 泰式香茅荔枝梳打(跟餐加$10) - 两杯梳打都甜度适中，透心凉得黎梳打味唔会太重，前者有柠檬喺入面，后者都有大大粒荔枝。总结，野食唔错，份量都好足，黎开希慎揾食非常值得一试。