EIGHT GRAND Bar & Restaurant (已結業)

自己本身钟意试新餐厅，知道呢度开咗好短时间，急不及待要嚟试一试。如果你话喺閙市中嘅铜锣湾，要喺人流众多嘅希慎广场，又要同朋友gathering, 仲要坐得好食得好嘅除咗Eight Grand我谂唔到第二间。只可惜当晚要OT收工迟咗，有好多嘢都未试，下次一定会试埋其他菜式！本身个感觉有啲似湾仔星街𠮶边𠮶间Ted's Lockout, 无论个装修定菜式，都以墨西哥同美国菜为主。不过呢间感觉大啲多枱啲，尤其佢有张长长bar枱，约朋友入去坐底饮嘢都几舒服。由于𠮶晚迟到，有好多嘢都俾朋友食晒😤😤😤，唯有喺仅仅食过𠮶几样菜评下分啦... 😅😅😅个海鲜意粉带一点点辛辣 几开胃Buffalo Wings 几正宗 个味偏浓最喜爱嘅sweet corn, 一个人可以食一碟 😂😂😂我发现到成晚个亮点原来系啲waiter... 😍😍😍下次如果两个人嚟我希望坐到呢张枱啦... 话晒都够privacy丫嘛。