百芳池上便當 (希慎廣場)

营业中

休息中

今日收工想去诚品睇下书，顺便约朋友简简单单食个饭。疫情之下冇得去旅行，挂住台湾同牛肉面，所以就拣咗依间餐厅吊下瘾先。有便当系列同汤面系列，一个set有包埋野饮红烧牛丸牛筋面就系为食牛肉面而去，不过今次点咗牛丸同牛筋好似特别d.面条嘅软硬度适中，仲sok哂d汤嘅味道，所以都几入味。配料嘅份量比想像中多，唔系得一两旧肉就算。另外粒牛丸好有惊喜，系近期好过最好食嘅，因为咬落弹牙，而入面嘅细孔仲锁住d肉汁，好正！朋友就叫咗个卤鸡扒便当，大件夹抵食。配料又系好多，包括菜埔、粟米、辣粉丝、炒杂菜、卤蛋。其中个辣粉丝同鸡扒煮得好入味。另外加咗个小食炸花枝丸，佢个外皮轻轻炸过，有少少椒盐味，亦够弹牙。跟餐嘅野饮都几大杯，食完可以边行边饮。去铜锣湾想食平平哋都可以一试。