豚道樂 (百合苑商場) (已結業)

第一次食豚道乐喺荃湾分店，而家剩返黄埔呢一间，黄埔呢间嚟紧八月都会执，所以趁佢执之前要再嚟食最后一次🥲❤️❇️原味豚骨拉面（$78）➕转特上（$16）转得上之后会有多两块紫菜，一块猪腩肉，溏心蛋半只，面嘅种类我拣咗曲面，因为曲面可以最大程度吸收汤汁，令每一啖都有丰富豚骨汤味，硬到拣咗普通，上嚟嘅时候有啲偏硬，不过食到最后其实就啱啱好，今次嚟到觉得个汤底比起以前系比较偏甜啲，个人比较钟意以前咸啲嘅汤底口味。❇️炸软壳蟹（$50）软壳蟹得一只，份量比得好少，胜在炸得够脆够香，食拉面再配返啲香口嘅嘢系零舍好味😙希望老细唞一唞之后可以再开返呢间拉面舖，如果再开嘅话会继续帮衬！