馥苑海鮮酒家

营业中

休息中

以为又会中哂弹咁出嚟，七八成嘅点心又有质素㖞。迷你凤爪排骨饭，好好食！凤爪排骨正常嘅味道，个饭粒粒分明有咬口，加埋鼓油，正。酿凉瓜，猪肉肥啲之外，仲几钟意加咸蛋黄哩个配合。鸭脚札我净系食咗个皮，但我见到入面唔知做咩包咗条肉饼。追加迷你梅菜肉饼饭，个人都系偏好凤爪排骨多啲，因为肉饼搞得太碎，无乜口感。突然想食炸物，就点咗炸云呑，入面粒肉好细粒，但我享受嘅系个块又炸得几靓，脆卜卜嘅云呑皮，点埋个甜酸汁就更滋味啦。最后哩碗一搞就碎哂嘅灌汤饺，味道都唔使提了。