牛記茶室 (已搬遷) 新店位置

当初知道牛记系因为偶然一次去完Gallery既opening，跟住去食牛记，先有机会知道原来呢度既椒盐鲜鱿真系好好食！后来发现原来好多人去完opening，都会钟意带佢地既外国朋友黎呢度试下地道美食！所以我都成日有机会"猛"车边黎呢度食饭。当我知道牛记要搬，先醒起自己从来无同过屋企既年轻人黎食椒盐鲜鱿！即刻系Whatsapp约来约去，终于一行十人去食椒盐鲜鱿。一如以往，鱿鱼非常新鲜爽口，炸浆又刚刚好，味道好惹味，我地足足encore左3次先encore够喉！始终比较细碟同年轻人钟意食炸野…另外点少得清汤萝卜牛腩煲，虽然牛腩唔系次次都好食，但每次清汤都好鲜甜萝卜入味，今次都唔例外！不过个牛腩就…我无食过，所以唔知今次系点！但表弟们就话有稍韧…其剩我地大约叫多八个小菜加几枝青岛每人都唔洗一百蚊，系中环，真系好难揾到咁平既地方食晚饭啰~