美利堅京菜 (已結業)

大大话话都帮衬左美利坚廿几年，而家真系越来越少有童年回忆嘅餐厅，而佢嘅老派北京菜美味亦一直保存到现在，所以久不久都会有瘾想嚟食，今次系提早新年饭嘅一餐！今次前后点了九个菜式，"素鹅"$82，叫细碟都有八九块，外型简单美观，腐皮里面包住色彩鲜艳嘅菜丝，我最钟意佢外层腐皮有一种好浓郁嘅烟芬味，好嘅冷菜系一餐好嘅开始！"山东手撕鸡"$148 ，非常大碟，鸡肉够滑，同个烧鸡蒜蓉汁相当野味，每次亦绝不欺场！"赛螃蟹"$109，传总北京菜都一定有，一定要够热够滑，同埋蛋白要平均，不可太大块，佢完全可以做到！"京烧羊肉"$87，另一样必叫嘅菜式，你好难可以揾到有第二间比佢更好，羊皮烤到脆脆下面一层肥膏然后到非常嫩滑嘅肉质，再点佢个酱汁真系人间极品，仲要只收依个价钱真系茶餐厅都冇可能！"铁板川椒鲜球"$338,热热嘅铁板再倒啲虾同汁落去，次次上亲依个菜旁边枱都会望下，虾大只弹牙，冇汁亦酸辣适中，唯一错嘅系我叫错左，我系其实系要食铁板宫保虾球，下次一定要讲清楚啲！"砂锅云吞津白"$106,浓浓嘅鸡汤有甜甜嘅津白同足料嘅云吞，冬天天气冷最啱饮返碗！"松鼠贵花鱼"$376,够大条再炸得非常漂亮，炸到皮同骨都