齊柏林熱狗店 (鱟地坊) (已結業)

除咗汉堡包，其实我都好钟意食热狗，记得好多年前铜锣湾总统戏院后面有间热狗专门店，啲狗非常好食，可惜好快就关门大吉😔。好彩而家有齐柏林。齐柏林热狗店虽然算得上系连锁店（现共六间分店），但系佢嘅质素估唔到相当之高，仲好抵食。叫咗个澳式风情热狗套餐，面头系非常浓郁嘅芝士同香甜嘅千岛酱，配料有菠萝同烟肉，至于条肠系纽伦堡猪肉肠，全部食材出奇地夹，再配埋烘得微脆嘅热狗包，成只狗由头到尾都咁好味😋。 小食我拣咗薯条同烤菠萝，薯条系粗薯条，薯味够，有咬口，好正；烤菠萝就有少少失准，可能顾客太多，烤嘅时间唔够，菠萝只系微暖，影响口感。唔知几时开到嚟九龙湾呢🤗？