外灘軒 (已結業)

呢日庆祝母亲节,屋企人钟意食中餐,所以近近地就拣左屋企附近既上海菜!一入到去坐，经理己经同我讲片皮鸭买剩2只，问我要唔要一只，于是我就拿拿临叫左一只先。片皮鸭系会即场帮你切，只鸭都几细只下，切左出黎大约只有12片到。不过佢算平，$138连一打薄饼同配料，有青瓜蜜瓜同酱料。薄饼薄到透光，片皮鸭好有油香，几好食㖞！由于一鸭两味，另外一味我地叫左鸭丝粉皮，粉皮几有咬口，呢碟野炒得几香口，但个人认为如果可以加Ｄ辣既话效果更佳。奶油津白几有惊喜，好CREAMY，汁同菜既比例岩岩好。上海炒年糕一上台就觉得个色水差咁Ｄ，所以味道都系差咁Ｄ，有Ｄ失望。醉鸡同样唔够入味。松子鱼味道就几好，又够多汁，不过细条左Ｄ！仲有叫左小笼包同生煎包，两样都合格，不过就唔好期望超好食啦。全晚最失望一定系甜品MENU，本身餐牌上己经得好少选择，连高力豆沙、豆沙锅饼呢Ｄ基本甜品都无，我同屋企人睇中左佢既姜汁糕，但结果叫个时卖晒，但我明明个时只系夜晚八点左右。希望甜品方面可以改善下啦。