英記油渣麵 (已搬遷) 新店位置

陈金:如果你(曾经)系夜鬼, 又有揸车, 咁英记一定系你印象中嘅食店之一.以前细个呀哥成日车我去食, 今日我带ADAM去试试,附近大把位泊, 方便!全店只有油渣面,菜,鸡翼,芝士肠选择(顶多加埋气水), 仍然可以卖几十年…香港人, 简单嘅时候可以好简单…油渣面:有大有细, 是乎你胃口. 面底(粗身上海面)系老板娘手打, 很滑很有质感, 细心留意你会见到有粗幼不均等嘅面条…人手做嘅「TOUCH」, 难以形容的美味,LIKE!油渣其实即系炸到出晒油嘅腩肉…好多人话肥其实已经冇晒油系里面…我未系其他地方食过好得过英记的油渣…又香,有点脆,又唔会有「千年油」嘅味…如果你系一听到系肥猪肉炸成就「E!!!!!!」咁冇嘢好讲…食过就知道好食…上面洒上葱花,冬菜!! 无错, 最紧要系冬菜!!爽脆香,又唔会净系得个咸字嘅冬菜绝对令成碗面升华….鸡翼和菜:非此处出名食物, 不特别评论了.希望英记一直做落去啦….好有「香港FEEL」!!!!