巢私厨川菜 (裝修中)

平时出去食饭大多数都系食西餐同日本野。今次想食啲平时少机会食嘅，上网search过见到评价唔错所以就拣咗铜锣湾呢间私房菜。其中一位朋友见到乜都想试，所以我哋都叫咗唔少𩠌。但因为我哋三个人都唔想咁热气唔想食辣野所以就冇嗌招牌嘅水煮鱼或者酸菜鱼。当晚客人唔多所以点嘅𩠌上得好快。先讲凉菜方面，我都唔明白点解全部都偏酸，连菠菜都系，真系食得酸嘅都酸到面目狰狞。其他菜式只有茄子同担担面系比较出众，最令我失望嘅系红烧肉，同平时嘅红烧肉比起冇乜色水，味道真系好普通，所以都冇食晒。试过一次应该都唔会再试了。