鮨穴

营业中

休息中

话晒都系铜锣湾时代广场属中档路线嘅日本餐厅，网上睇食评同相都叫吸引先嚟试下。 点G，唉。。。本身畀佢个《迷你丼饭御膳＄268加一》吸引。16款丼饭入面自选两款。作为海胆控既我，谂都唔使谂 直冲《海胆三文鱼饭》加多个《穴子tempura良饭》。 lunch set 附送乌冬或荞麦面 、沙律、前菜、甜品。海胆三文鱼饭 先上。一望到，图文不符既喂！ pat海胆水the the，一pat嘢咁。 连你都照骗！ 食落就冇咩嘢嘅，三文鱼都系普通三文鱼咁啰。食完碗饭食埋个乌冬 ，第二个丼先到。差啲唔记得咗自己叫咗两个。炸咗咁耐，啲天妇罗未夹都见到冧晒油。一夹，哗，直情馅皮分离，成条秋葵金蝉脱壳。 虽然嚿穴子系几好食，但呢个午市价钱，我要嘅天妇罗绝对唔应该系咁嘅水准。食完到埋单，吹咗起码十分钟水，准备起身走个甜品先上。系一旧绿茶粉蕨饼，冇咩特别，一啖啪完，相都冇影就走了。