豊洲水産海鮮丼専門店 (已結業)

香港依家越来越多自称产地直送嘅日本食店, 呢间都唔例外! 但一讲到产地直送好自然会对佢有较高要求同期望, 而其中一个原因系佢一D都唔平, 甚至乎可以话贵! 食一个 lunch 要 $228 + 10% 值唔值呢？呢个帆立贝招牌刀琢飞天黑鲔鱼腩蓉丼, 碗丼入面有佢主打嘅刀琢黑鲔鱼腩蓉, 再配合带子、三文鱼籽、甜虾、鲍鱼及特制酱油煮蛋, 仲有柚子碎、山芋粒、青瓜粒, 跟一碗面豉鱼汤。上枱第一件事系要饮左个汤先, 因为入面有鱼肉, 唔衬热饮应该会腥唔好饮, 而 waiter 见到你食饭先而唔系饮汤先佢亦会开口同你讲 "衬个汤热饮起上黎会好饮D"。讲到个饭, 份量系够嘅，海鲜亦系新鲜货, 但唔知点解成个丼最凸出嘅竟然系只蛋! 真系好好味。而柚子碎+山芋粒+青瓜粒捞饭亦系一个亮点, 食落好清新。