影片
更多
2017-09-14
3102 浏览
由细到大都好钟意希腊，除咗细个睇星矢钟意雅典娜女神之外，仲好钟意佢充满神秘色彩嘅希腊神话，而且至今仲保留住好多古文明历史嘅痕迹，例如雅典卫城，帕特农神殿……等。而圣托里尼系我最钟意嘅地方，佢系位于希腊大陆东南200公里嘅爱琴海，由一群火山组成的岛环当中面积最大嘅一个岛。我钟意佢嘅白色小屋，可以游走街头感受佢嘅异国风情，钟意佢浪漫嘅氛围，尤其系黄昏时份嘅迷人景致。早几年原本有机会去，但结果紧系去唔成啦!之后都唔知几时有机会去……所以先食下希腊餐感受一下地中海风情!餐厅位于QRE plaza 5楼，而全楝大厦几求全部都系食肆，只有5楼有露台。一出Lift就看到两个古希腊人嘅画像，好得意!餐厅布置成爱琴海嘅白色小屋咁，以白色为主调，加上粉蓝色作配置，比人一种悠闲嘅感觉。而墙上面嘅窗框望出去就系Santorini 的景色，好似真系去咗希腊咁!餐厅大致分咗几个用餐区，主餐区以原木色餐枱配色彩缤纷嘅櫈，加埋有个性图案地板，成间餐厅都充满活力，令人入到嚟就即刻好开心。长形嘅吧枱，以希腊风景油画作点缀，啱晒打工仔收工嚟吹下水轻松下。我哋今晚坐喺靠窗嘅高枱，对面就系合和中心。如果想private d，有
而圣托里尼系我最钟意嘅地方，佢系位于希腊大陆东南200公里嘅爱琴海，由一群火山组成的岛环当中面积最大嘅一个岛。我钟意佢嘅白色小屋，可以游走街头感受佢嘅异国风情，钟意佢浪漫嘅氛围，尤其系黄昏时份嘅迷人景致。
早几年原本有机会去，但结果紧系去唔成啦!之后都唔知几时有机会去……所以先食下希腊餐感受一下地中海风情!
餐厅位于QRE plaza 5楼，而全楝大厦几求全部都系食肆，只有5楼有露台。
一出Lift就看到两个古希腊人嘅画像，好得意!
餐厅布置成爱琴海嘅白色小屋咁，以白色为主调，加上粉蓝色作配置，比人一种悠闲嘅感觉。而墙上面嘅窗框望出去就系Santorini 的景色，好似真系去咗希腊咁!
餐厅大致分咗几个用餐区，主餐区以原木色餐枱配色彩缤纷嘅櫈，加埋有个性图案地板，成间餐厅都充满活力，令人入到嚟就即刻好开心。
长形嘅吧枱，以希腊风景油画作点缀，啱晒打工仔收工嚟吹下水轻松下。
我哋今晚坐喺靠窗嘅高枱，对面就系合和中心。
如果想private d，有个位置可以容纳16人，可以开个小型Party。另一边就系一个小小空间嘅4人高枱。外面有露台，天时暑热都有外国人拣坐喺室外，真佩服!
今晚唔太肚饿，简单点咗3个菜，但都尽显希腊菜嘅6大特点。希腊嘅饮食系典型嘅地中海风格，受咗意大利、西班牙、土耳其等国嘅影响。又因为地理位置同气候嘅关系，拥有相当丰富嘅海鲜同蔬果，希腊人钟意用新鲜嘅食材嚟烹饪，烹煮方式都相当简单，多数用碳烤或者炖煮，保留食物最天然嘅味道，再利用香料同调味料嚟增添食物口感嘅层次。
特点一: 因为气候好，一年四季都有丰富嘅蔬果，新鲜嘅蕃茄、小黄瓜、青椒、沙律叶之外，由绵羊奶制成嘅费达芝士（Feta Cheese）及黑橄榄，都系希腊菜常用嘅食材。
特点二: 橄榄油喺希腊饮食中占咗非常重要嘅地位，从开胃菜到甜点都会用。
特点三: 因为三面临海，为希腊提供来自海洋嘅新鲜渔获，所希腊人好钟意海鲜，例如鳕鱼、鳗鱼、虾、八爪鱼同鱿鱼等等，会以简单嘅碳烤或油炸，撒上橄榄油、醋、奥勒冈等调味料，品尝海鲜最天然嘅鲜味。
特点四:希腊菜中有一个相当大嘅特色就系用劲多香草同香料，但又唔会过量使用呢d调味料。最常见嘅有罗勒，几乎每道菜都有，其它好似柠檬、薄荷、欧芹、迷迭香、百里香、巴西里、肉桂等等都成日用。
特点五:希腊人其实乜肉都食鸡、猪、牛、羊，自当中以羊肉最普遍，除咗炆炖又会做成肉串，加埋蕃茄、青椒一起碳烤。
特点六:希腊种植麦类嘅历史相当悠久，发展出各式各样嘅面包，当中Pita最常见，利用面粉做成嘅圆形中空饼皮，好似个袋咁可放d炒好嘅羊肉、蕃茄、洋葱同酸奶酱入去一齐食，系当地人其中一样主食。另外，Filo都一样普遍，可以做酥皮点心，例如菠菜饼、果仁饼等等，似我哋食开嘅千层酥皮。
Santorini's Favored Tomato Soup
呢个系招牌蕃茄汤，用咗希腊蕃茄打成茸，加埋Angel hair同鸡蛋，当然唔少得用罗勒做调味。
果种质感好杰，好似食紧肉酱意粉果d酱，味道酸酸甜甜咁，同平时饮汤好大分别。
58 浏览
0 赞好
0 留言
沙律菜好新鲜，配埋蕃茄、洋葱，沙律酱用橄榄油做基底嘅油醋酱。吞拿鱼简单碳烤至80%熟，仲见到少少粉红色，肉质嫩而见味道鲜甜！ 虽然menu 上话系mango，但实际佢比咗鲜橙，鲜橙带点点果酸味，食落令人感觉更加Fresh！
61 浏览
0 赞好
0 留言
呢个希腊式羊膝以慢煮方法去烤焗，肉质劲淋，入口即溶咁，男友好钟意羊脂同羊奶芝士溶为一体，加埋好浓嘅羊膻味，好味到难以形容！而且连埋新鲜嘅蕃茄同甘笋煮，可以中和羊脂同羊奶芝士果种油腻，超夹！(由于本人唔食羊，以上食后感由男友代劳讲出)
109 浏览
0 赞好
0 留言
Lemonale
甜度同酸度都配合得好好！
84 浏览
0 赞好
0 留言
题外话/补充资料：
一个关于橄榄树作为和平象征嘅希腊神话，智慧女神雅典娜同海王波塞冬为咗争夺希腊呢座美丽珍贵嘅城市，各自送出一份礼物比希腊嘅子民，等佢地自己拣自己嘅守护神。波塞冬将佢支三叉戟笃喺地下，出现咗一群白马，白马奔向海化作汹涌嘅浪花。
而雅典娜拎起佢支长枪笃喺地下，地下立刻生咗一棵好茂盛嘅橄榄树。橄榄树唔单止可以遮挡住炎热嘅太阳，而且橄榄油可以食同涂喺身上消除疲劳。橄榄为希腊嘅子民带来财富，于是希腊嘅子民拣咗雅典娜成为佢哋嘅守护神!
(以上食记乃用户个人意见 , 并不代表OpenRice之观点。)
张贴
