Ocean Paradise Restaurant (已結業)

今日系复活节长假期嘅第一日，入到西贡人山人海，想揾一间价钱亲民嘅餐厅，路过呢间小店，见到餐牌好似颇有特色便入去试试。店员同老板娘都好热情，我哋两个人叫咗一份白咖喱墨鱼饼饭，同埋一份椰香荔枝烤鸭饭。白咖喱好香，墨鱼饼好厚啖啖肉，脆炸不油腻；椰香荔枝烤鸭饭，烤鸭皮脆肉嫩，椰香荔枝汁有少少似喇沙同马沙文咖喱味道，加上荔枝肉嘅酸甜清新，味道平衡不错。两个汁送饭都一流。午餐包餐汤，上餐时亦伴以沙律菜，仲有杯餐饮。食物份量和质素都诚意十足。假期餐牌会加左$10，不过都只系大概$70-80左右一个餐，综合呢到的食物质素、味道、环境、服务，呢个价钱绝对系抵食。下次会再去试试其他菜式！