貓粉 (已結業)

自己屋企冇养猫，但系想俾仔仔多啲接触小动物，见到西贡有呢间猫咖啡室，可以上2楼同猫猫近距离接触，真系好开心。今日端午节，我哋12点3到去到，唔使等位就即刻入得，佢安排坐入少少嘅位，冇小童高椅及碗筷，后来发现原来坐近门口，可以望上去2楼，直接睇到猫猫嘅互动。餐厅嘅环境好靓，有好多猫猫嘅挂画，设有最低消费，每人最少光顾一杯饮品，小朋友都需要。我哋叫咗两个餐， 加1个小食，整体味道几好。因为小朋友都要付费，所以叫咗个紫菜shake shake 薯条，份量都几多，唔错。Setlunch肉酱意粉味道一般。鸡扒三文治，个鸡扒好入味，中间仲有薯饼，个三文治好特别，好松软好似食紧牛角包咁。上咗2楼，啲猫猫真系好得意，起码有7-8只，不过大部份都唔轻易抱到，就咁摸吓就可以，食完饭再上去嘅时候，大部份猫猫都瞓咗，值得推介，都会再去。