G04

营业中

休息中

今日去到荃湾工厂区，第一次黎，打算食完中午饭再见客，选择不多求其入咗去一间装潢感觉还可以的餐厅。 又一间餐厅其实好耐之前，就有朋友介绍我去尖沙咀的分店食，个时试过啲出品的确系唔错，今日误打误撞入番黎，就想试番当年朋友推荐的野鸡捞出前一丁。 老实讲，当年的味道系唔错的。起码我在第二度未食过呢个味。 但系今次再试嘅时候一放上枱，我已经心知不妙。 一望落去，多咗一啲唔知点解会喺度出现嘅鱼肉烧卖，而面底望落去感觉好淋。面上面有啲炸鸡 、木鱼碎、青瓜丝同沙律酱 ，感觉同我当年食嘅完全唔一样，或者可能佢哋唔系同一款菜啦。 一如我所料，面底食落去好淋，而炸鸡好厚粉。老实讲都几失望，冇谂过有机会再嚟食返竟然系咁嘅味道。 喺附近冇乜餐厅选择嘅底下 ，下次我依然会返嚟，但系应该就唔会再叫呢款𩠌，会选择叫下其他嘢。 睇下系我唔识叫嘢，还是系佢啲出品真系差咗。