影片
更多
2010-05-25
52 浏览
昨晚师傅离开监房时已经不太早, 但少少野都未放过落肚, 真系饿到有少少头晕加脚软, 所以在车上不断地谂有咩野好食同有咩野想食, 脑海里确实浮现很多美食, 但喺𠮶一刻竟然冇一间想去, 咁点算好呢? 于是落左车唯有沿住条街上四围荡, 睇下有咩新发现! 终于经过呢间食店, 师傅见都新开左一段日子, 加上食家们都对有几好评价, 原先师傅想揾多几个人先一齐试, 但最后还是选择单刀赴会! 入到去食店一眼见晒, 地方唔算大, 而食客甚少, 可能都几晏, 所以比较少人; 一坐底师傅都未来得切睇下有咩食, 个伙计就行左埋黎问师傅“饮咩茶?” 师傅当场唔识反应, 于是亦回应一句有咩茶? 幸好伙计唔系答师傅奶茶, 柠檬茶之类, 而系话平时酒楼𠮶d, 于是乎师傅就柯打左香片!开完茶当然第一时间睇下有咩想食啦, 点知样样都好似几吸引㖞, 但一个入又食得唔多, 点算好呢? 最后都系唔理咁多, 叫左先算! 于是师傅一口气就柯打左酸辣汤, 小笼包, 红油抄手同埋五香牛肉面四款食物! 呢d咁嘅份量同两个人都差无几, 食落完单, 当然要品一品茶啦, 话晒师傅去左咁多年上海小店都未试过要开茶(大酒楼唔计), 讲真茶真系唔多
终于经过呢间食店, 师傅见都新开左一段日子, 加上食家们都对有几好评价, 原先师傅想揾多几个人先一齐试, 但最后还是选择单刀赴会! 入到去食店一眼见晒, 地方唔算大, 而食客甚少, 可能都几晏, 所以比较少人; 一坐底师傅都未来得切睇下有咩食, 个伙计就行左埋黎问师傅“饮咩茶?” 师傅当场唔识反应, 于是亦回应一句有咩茶? 幸好伙计唔系答师傅奶茶, 柠檬茶之类, 而系话平时酒楼𠮶d, 于是乎师傅就柯打左香片!
开完茶当然第一时间睇下有咩想食啦, 点知样样都好似几吸引㖞, 但一个入又食得唔多, 点算好呢? 最后都系唔理咁多, 叫左先算! 于是师傅一口气就柯打左酸辣汤, 小笼包, 红油抄手同埋五香牛肉面四款食物! 呢d咁嘅份量同两个人都差无几, 食落完单, 当然要品一品茶啦, 话晒师傅去左咁多年上海小店都未试过要开茶(大酒楼唔计), 讲真茶真系唔多识品, 你叫师傅品酒好过; 但点都仲识得讲好唔好饮, 呢壶茶呢真系一般, 茶叶淡淡冇味的, 香片香都唔香下, 咁点叫香片呢? 同辣椒辣都唔辣下有咩分别呢?
饮完杯淡口嘅茶, 其实反而饱左, 死未? 好快酸辣汤率先登场, 一放低师傅觉得卖相一般, 汤面浮出厚厚嘅油, 未见其利先见其弊, 扣分; 于是攞只匙搅下, 捞匀之后方开始进食, 酸辣汤入口唔酸, 辣味就有少少, 味道不算太浓, 而料亦颇足, 有豆腐干, 肉丝,木耳等, 都算几爽口, 口感不错, 如果可以再酸少少同辣少少就会更为惹味, 作为打头阵嘅第一选择亦算合格, 饮完碗酸辣汤后亦再次撩起师傅嘅食欲, 不错!
接住落黎系小笼包, 小笼包一客有两只, 而且系几大只, 咁大只嘅小笼包其实已经谈不上小笼包, 应该名为小笼大包, 咁大只差少少师傅都唔可以成只放晒入口, 小笼包皮亦算薄, 但要赞下赞咁大只咁重身夹起都唔穿㖞, 而且包里有著浓浓嘅热汤, 味道鲜甜, 绝对系必食推介!
红油抄手卖相一般, 一客六只, 皮够薄而馅料爽口, 皆因除左猪肉外, 馅里还放左少少芹菜, 而且份量不多, 洽到好处, 连师傅一向唔钟意芹菜𠮶种味道亦深深被吸引, 究竟系师傅口味变了还是真的洽到好处呢? 但抄手个汁底少少香但唔辣, 如果可以再辣少少就更吸引, 整体而言还算不错!
最后系五香牛肉面, 五香牛肉面一放低师傅第一时间试下个汤底, 汤底系浓浓的鸡汤, 味道略嫌过浓, 所以咸少少, 加上亦几多油, 所以饮左几啖后师傅亦要停一停谂一谂, 究竟应否再继续饮呢个汤; 再讲五香牛肉冇咩特别, 就是薄薄的牛(月展), 牛肉松软, 都可以; 面身入口唔似上海面亦唔似拉面, 师傅第一个感觉系公仔面, 一般!
总括黎讲食物质素尚可, 环境舒服, 服务态度尚算友善, 价钱合理, 一个人四款食物, 埋单加一连贴士啱啱一旧, 最唔抵应该系要比五蚊茗茶; 最后师傅一个打四件, 一件不留, 虽未能似叶问一打十, 但对师傅黎讲亦系一个创举; 是次笑脸亦可以一比, 鼓励大于一切, 有机会都可以再黎试多次!
张贴
