金和飯店 (已結業)

寻晚又系一支公，走到落大坑，民声已经收咗工，咁就入咗金和。见佢门口咁多鱼，就叫咗只鹰仓煎封加豉油($125)，一碟咸鱼炒芥兰($40)，再加碗白饭($6)。芥兰几嫩几绿，可惜系d咸鱼少咗d，同埋唔系好霉香。阿姐话今年都系呢两日先至有鹰仓，条鱼唔系好大条，系上面厚肉地方开咗2刀黎煎，都仲几嫩滑㖞。讲真，大排档格局，招呼就无乜架啦！不过见到事头婆记得d熟客钟意食乜，都算系咁啦！收钱个阵事头婆话唔收零头，齐头$170就得。