堤岸越南餐廳 (已結業)

晏昼食左街边野, 夜晚就食好少少啦, 本来晏昼已经想黎呢度架喇, 可惜咁啱上昼休息, 于是师傅唯有夜晚再黎一次啦, 皆因𠮶日成日都好想食生牛肉汤蒙!入到去食竟然冇咩人, 师傅求其揾个位坐底, 就二话不说柯打左碗生牛肉汤蒙, 再加多杯冻零六!等左一阵生牛肉汤蒙就登场, 师傅第一时间就要试下汤底, 汤底味道浓加上几清甜, 唔错; 再试下生牛肉, 生牛肉真系半生熟, 放一放汤即熟, 入口嫩滑无比, 又唔会韧唔鞋口, 都唔错; 而今次汤底就冇白萝卜, 似乎缩左皮; 而蒙粉都几滑身, 配埋辣椒酱, 真系好好味, 得㖞! 冻零六当然冇咩特别啦, 净系师傅想饮啫!总括黎讲生牛肉汤蒙水准唔错, 服务颇好, 环境就细d, 价钱相宜, 冇记错埋单四十有一, 冇加一算抵食; 虽知道佐敦冇咩好嘅越南食店, 所以呢间绝对系一个唔错嘅选择, 希望呢间食店能够继续努力, 如果系师傅一定撑你! 有机会一定会再黎, 笑脸值得一比!