堤岸越南餐廳 (已結業)

原本諗住病病地食清d....見返工返左咁耐都未試過呢間野....就試下呢間所謂既越南野.........服務已經唔係好.....落單0個條友發緊夢咁......等左都幾耐未有野食黎.....仲要我調位......叫左個茄汁香芧豬肉湯檬.....記住....係湯檬...............!!!!應該係熱架ma!!!點解會係暖都唔係好暖既呢???????我就係諗住病病地食熱野....又畀凍野我食.....仲要....基本上0個碗野係冇湯既...連係茄汁都稱唔上....係茄"油"撈檬~仲有....我明明叫左豬肉....又畀左豬頸肉我.....我話:我係叫豬肉架wor佢話:係丫....? 畀左豬頸肉你....介唔介意丫??我話:介意.....我唔食豬頸肉....幫我換過.......我眼見佢拎畀廚房/.......一手拿起d豬頸肉....掉番2-3舊豬肉落去.....畀狗食??真係完全冇心做既一間餐廳!!!!!!!食物水準差.....服務就更加唔洗講!!!!!!!

聖誕節放假同朋友出街搵食野, 有個叫食越南菜, 當然身在尖咀既我打算去尖咀食.而我朋友介紹佐敦有2 間比果邊D更好食, 一間叫老趙, 一間叫提岸.卒之因為近既關係去左提岸食野.我地叫左個套餐加蒜蓉包, 認真抵食. 出奇不意食一個餐, 黎好多野.本身我同幾個朋友都係鐘意四圍食野, 於是叫左老闆娘介紹既田雞套餐-正!!!田雞黎既時候(興合合)-睇住D油仲爆緊. 之後黎個牛油炸雞翼, 雞味同D蒜香味兼而有之.但係無LALA老闆娘送左個春卷我地. 正! 春卷咬落卜卜脆!!! 推!!!唔怪得之比我地la!之後佢地好似有d 亂, 無lala又多左碟菜, 但我地真係飽la, 之後發現原來係隔離檯既, 要佢地等真係唔好意思.食完介有甜品送, 真係食一樣野, 送n樣呢!!!!

同男朋友睇完煙花,由tst行到佐敦搵地方食飯.個一陣都成9:45有多.見到堤岸越南餐廳無咩人.就入去,當時得一台客.心諗..應該過了食飯時間,所以無咩人,咁我地2個人都點左set既餐.$156 包2碗生牛肉河,生菜炸春卷,同一個咩牛肉粒配麫包.仲有2柸飲品.等左10分鐘都未黎.最先上既係碟炸春卷同生菜.味道ok.因為都等左比較耐時間.食咩都咁好食.再黎生牛肉河,都大碗.點不知.至期待既牛肉粒配麫包上啦.我一嘢食左先.試左味,嘩..真係好似岩岩叮完出黎既食物.係暖,個汁又稀,d洋蔥凍冰冰.勁唔掂..我都單左聲比我男朋友知食既時候要有心理準備..真係很難食.叫左青檸梳打2柸..直到係上到牛肉粒配麫包仲未黎..唔提都唔黎.柸嘢黎到.好似水加左2片青檸咁..好難忘的一餐...一定唔會有下次..

昨晚又同朋友再度光襯, 今次路過竟然有火窩, 朋友話襯天氣凍, 入去一嚐未嘗不可.上次夜晚我和另一個朋友是食晚餐 $168, 價錢貴d, 但味道ok...不過係亳無service......而今次都算有d進步, 都算幾有禮貌, 尤其係個o靚仔. 而今次我叫左個$98 火窩, 再加一d小食...評價: 牛肉份幾新鮮, 有爐十下十下, 與朋友相聚倍感溫暖. 飲品叫左一杯柚子蜜...足料! 小食叫左春卷, 不過好d春卷好似黑左少少...廁所好左, 上次無廁紙, 而今次有...算啦...都算有進步

星期六set lunch, $28一個飯餐, 包例湯及熱飲, 不用加一 越式豬扒飯 豬扒醃得非常入味 , 肉質又嫰又軟, 又多肉汁, 帶少少肥膏, 老公一邊食一邊讚不絶口, 話好食過慈雲山的越式阿肥美食 香茅豬肉飯 豬肉味道好普通, 偏淡, 沒有跟香茅一起醃, 好失望 , 香茅 ===> 只是把炸香的香茅片撒上飯面而已 例湯 見到有雪耳, 紅蘿蔔及雞腳, 但d湯只得鹹味, 沒有其他 白飯 所有飯餐的白飯都好差, 硬到好難嚼

食越南食物尤其是檬粉不論是凍食或熱食(有湯)都咁清,不油膩,近年香港也開多了越南餐廳。到堤岸不只一次了, 已經有5-6次去食中午飯,晚飯也去過兩,今次特別想寫係因為自上次和同事5人 “幫襯”過後,大家都很怒氣決定不 “再襯”, 這次是因為她價錢算公道,又近公司,再去一次給她機會。都想講講上次經歷,是我介紹同事們中午一齊去堤岸食午飯, 我們一行5人。點了菜後覆order,但老闆似乎聽了3次都聽錯,要我們再重覆所點的菜,當時都擔心他會否落錯單, 唯有估他應該不會吧, 他這樣重覆又重覆我們所點的菜,已浪費了我們僅有午飯的時間。到午飯套餐上台時一個來錯, 第二個又來錯, 然後餐湯又送少一份來,熱飲送來冷飲, 基乎錯了一半,換來換去又浪費我們時間。到結賬發現計算多了,同老闆娘計, 她反問我們5位點解有6位餐, 真好笑, 很簡單是他們內多了一位或者重覆了order啦。最後我們速決先走,留下一位不用打咭的同事同她計算,結果她免計我們15元,這正好是她計多了我們一杯飲品, 完全和寫單時不相符,所以下次要去這間必先查清楚賬單才好付錢走。香茅豬排飯,普普通通不過不失一碟豬排飯。香茅雞翼飯,雞翼較2細隻,而

尋晚同朋友係圓方睇完<<變型金鋼>>, 行出佐敦睇下有咩好食, 之後我地見到呢間鋪頭門口既介紹, 一致覺得值得試試, 我地叫左兩個飯, 一個香茅豬肉飯, 一個牛肉飯, 一客馬拉盞通菜.試過覺得馬拉盞味道比出面泰國餐淡少少, 我覺得幾好.不過如果可以少D油, 應該好適合健康人士食用,牛肉比較嘢味, 有少少似韓燒味, 又有香茅味.而且好抵, 皆因原來食飯會有湯送, 而且食飯叫飲品原來只係半價...最後大家都只係$ 50 都唔洗, 份量適中, 抵食!

最後一堂響佐敦上堂,同友人又想試新野,響OP見到有食評,一於食最愛的撈檬,唔熟路,兜了一個圈先搵到,小店格局,原本想散叫,但見有2人餐,$198,可惜套餐無撈檬,店方話加$5/碗,可以轉俾我地,叫了,豬頸肉和扎肉雞絲撈檬,魚露檬汁味道甜酸度剛好,檬粉好爽,配菜/份量等亦足夠,唔錯!見到撈檬就開心,唔記得影相!炸軟殼蟹-配沙律醬,如果配椒鹽會好一點,蟹炸得香脆,唔油,唔腥,而且,幾好肉!小食拼盤:有扎肉,葷蹄,春卷,味道一般,但有一款好似炸蝦餅的小食,薄薄的包住蝦膠,幾好味青檸soda-好多青檸片,透心涼餐後,重有糖水,其實,我唔多食糖水,見細細碗,腐竹薏米,又幾清甜喎唔貴,.抵食,水準幾好,滿意!

每次去都會叫個招牌套餐!有個牛柳粒生菜+脆法包.超~~~ 好食!濃濃又帶甜O既肉汁, 用脆法包點黎食真係好正!佢有舊牛油加上面, 唔撈埋就冇咁肥.牛柳粒口感好, 滯滯地又有生菜解解滯.誠意推介其他野OK啦~

今日同2個朋友, 一行3人到喱間餐廳食晚飯, 第一次黎已經有o甘既結果!3個女仔因為都食好少野, 所以我o也叫o左個2人餐 "招牌套餐", 個餐寫話有1份春卷, 2碗檬粉, 1個牛肉粒配包同2杯飲品, 總供$156。落單時, 個男人 (應該係老細) 話3個人叫個餐再叫多碟幾囉, 我o也話唔洗啦, 食住先。先有一碗檬粉黎o左, 見到黎o左碗撈檬都有的出奇,不過諗住算啦, 佢都整o左就食啦, 食食下, 其他野都黎埋。食完埋單時, 佢話$192, 問我o也係咪叫多o左個撈檬?? 我o也話only叫o左個餐o者, 佢話你o也食o左就要比錢架啦, 重話一般客人如果比o左唔係佢既野, 都會出聲, 不過你o也食o左就要比架啦! 嘩, 有無搞錯, 你落完單又無單比我, 我o也以為係個餐既, 你整錯都算, 重話我o也唔出聲, 好明顯係老屈啦! 雖然區區個$40, 不過條氣就真係唔順, 我o也今次叫一個餐, 都唔知食多o左野, 如果多的人去, 叫好多野, 你又放低的唔知咩食, 食o左又要比錢啦wro! 喱間餐廳的生意手法好有問題!! 就算係我o也食o左, 間餐廳都有負任, 因為係你o也放錯先, 無理由要

四個女仔食咗5樣野,全部都幾有水準~好味~埋單都係$165抵牛肉撈mon~清爽之選,配埋d酸汁~岩summer食豬頸湯河~豬頸脆脆地,d粉唔油膩炸蝦餅~好彈牙,有蝦味豬肉濱海~未食過濱海~原來係拿菜包住d肉and粉黎食越北粉卷~7點幾去到,唔係好多人,食到全店無曬人,9點幾先走野食係幾好ga,不過成日有d好細隻野fly 下fly下老闆都好好人,見我地掛住傾計,提我地要熱食先好味~一定會再黎~

拆禮物日的下午，本想到澳洲牛奶公司食滑蛋、多士，但未走到門口已被長長的人龍嚇怕，唯有轉入吳松街搵食，經過門面並不顯眼的堤岸，見貼在門外的報章內容竟將此店與火車頭互相比較，大感興趣下決定一試究竟。堤岸是家庭式經營的小店，店主一家幾口親力親為，午市套餐配搭可自己調配，不愛青檸梳打的也可轉為其他特飲，比那些一味死跟規矩辦事的連鎖餐廳來得靈活自由。每逢品嚐越菜，選擇總是離不開烤牛肉撈檬，這種情意結自小培養而成，想起小時候在銅鑼灣的越興園 (即燕萍清亭前身)，一口撈檬一口牛油雞翼一口豬排飯，吃得不奕樂乎，回憶令人回味。喜歡烤牛肉撈檬的原因，不止是愛檬粉本身的爽口，青菜絲蘿蔔絲令賣相色彩班爛，最重要的是咬開花生粒後散發出來的香味．．．堤岸的製作具備了以上所描述的特質，材料份量足夠，是有誠意的出品，雞蛋裡挑骨頭的話，牛肉如可烤得香口些會更好呢。女友點了蕃茄牛腩湯金邊粉，試了一口湯底，蕃茄味一般，金邊粉也煮得太久失去了應有的口感，質素只屬平平。堤岸秋色固然美麗，但飲一口青檸梳打，看一看身邊人，食物不用窮奢極侈，環境不用富麗堂皇，享受生活就是這麼簡單，看著店主一家打理小店自得其樂，一副無憂無慮的面容，也

晏晝食左街邊野, 夜晚就食好少少啦, 本來晏晝已經想黎呢度架喇, 可惜咁啱上晝休息, 於是師傅唯有夜晚再黎一次啦, 皆因嗰日成日都好想食生牛肉湯濛!入到去食竟然冇咩人, 師傅求其搵個位坐底, 就二話不說柯打左碗生牛肉湯濛, 再加多杯凍零六!等左一陣生牛肉湯濛就登場, 師傅第一時間就要試下湯底, 湯底味道濃加上幾清甜, 唔錯; 再試下生牛肉, 生牛肉真係半生熟, 放一放湯即熟, 入口嫩滑無比, 又唔會韌唔鞋口, 都唔錯; 而今次湯底就冇白蘿蔔, 似乎縮左皮; 而濛粉都幾滑身, 配埋辣椒醬, 真係好好味, 得喎! 凍零六當然冇咩特別啦, 淨係師傅想飲啫!總括黎講生牛肉湯濛水準唔錯, 服務頗好, 環境就細d, 價錢相宜, 冇記錯埋單四十有一, 冇加一算抵食; 雖知道佐敦冇咩好嘅越南食店, 所以呢間絕對係一個唔錯嘅選擇, 希望呢間食店能夠繼續努力, 如果係師傅一定撐你! 有機會一定會再黎, 笑臉值得一比!

剛剛二人這裡食完，後悔。先來香芧豬肉反，唔似有香芧味，豬肉un，另上Ｄ汁超味精再來春卷，ok，最好係Ｄ生菜大件新鮮三吹四請下蝦餅河牛湯底終於來，蝦餅普通，牛湯底完全唔係牛湯底，河粉是魚蛋河嗰Ｄ，仲係又lum又黏嗰隻算吧，相都無謂貼了

工作關係，連續第5個晏要自己食~~本人鍾意食越南野，就走入去堤岸，見到$28蚊咁抵仲唔即刻食~~叫左個洋蔥牛肉飯。有湯、有飯、有野飲~~ 個飯本身幾乾身，所以要加埋d 魚露食先至滋味。份量：剛剛好！一個男人會飽。味道：都唔錯，久唔久都會想食服務：d伙記無乜記性.... 俾錢仲要走返入去埋單.....呆左.~~環境同衛生：都唔錯，有部電視機係度~~雖然d伙記成日出錯，但我都推介俾佐敦返工既朋友食lunch~