金陶軒 (已結業)

早几星期前, 师公牛一, 于是乎谂左好耐去边度食饭好, 最后决定黎呢度试试! 于是乎为免麻烦一早订定位, 一行五人准时开餐! 一坐底, 就见到个招牌菜俪影红纱卷, 一问之下先知系得奖名菜, 所以决定一试! 再叫左一个四人餐, 而四人餐有烧味拼盆, 例汤, 三色蒸水蛋, 鱼香茄子煲同埋一条清蒸海上鲜!先讲个俪影红纱卷, 系用越南米纸包住块牛肉, 做到成个号角咁样, 然后再将一个混入牛肉粒酱汁爽埋黎食, 卖相一流, 而味道十分出色, 不过个汁就咸左少少, 扣少少分啦; 烧味拼盆有叉烧拼海折, 叉烧烧得好香, 而半肥瘦又好, 好好味呀, 而海折就分爽口, 正呀; 例汤已经唔记得系咪汤, 不过个汤系好清好好味; 三色蒸水蛋都蒸得好滑, 鱼香茄子煲都好好, 清蒸海上鲜都唔差, 对于一条青班仔黎讲, 佢真系蒸到十分之滑, 绝对系好味, 如果系条东星, 我谂会仲正!个个都食到好饱, 而服务都几好, 我谂下次一定会再黎呢度!