健味粥小廚 (已結業)

寻晚专登去食这间诚意小店。两人点了鱼骨腩粥($35)，油炸鬼($8)，香煎什鱼($88)，璋鱼蒸肉饼($78)。其实食物好食，尤其系碗粥，但可惜太贵了。太贵意思是不值，那油炸鬼，基本上晚上叫亦不会期望脆，但好似食紧一团粉咁，仲有，收$8，只得7旧，每旧手指一节咁长，夹埋唔够出面半条。问阿姐，一碟系咁多喇，佢仲好似著数咗您咁，”系呀，$8嘛”。哗，油炸鬼都成蚊几一旧仔，仲要唔好食，唉。跟住香煎什鱼，$88得4条，每条得5吋度，连头㖞，其中两条似”慈”鱼，街市应该买十蚊兜有6条个只。再讲，煎唔脆之余，出到嚟系冻嘅，所以好韧，好失望，难为呢个仲系个阿姐一坐低就推介。其他冇叫菜式，例如虾仁炒蛋要$88，普通炒个牛肉又要$78，已经唔想试。其实老板应该掉转角色谂下，如果用$88只换到4条鱼毛，$8只换到7旧过气油炸鬼，您下次仲会唔会帮衬?最后，两个人食咗$210，觉得好唔抵，唔系个钱面值上，系所换嚟嘅嘢唔值。只可讲句，有诚意都冇用，知租贵，但又唔识拉上补下，生意又点会好，好似西隧咁啰，唔好生意，就继续加价，就愈嚟愈少人用。