宴 尖沙咀

前几日想食自助餐，上网知道咗呢间日本餐厅，啱啱入面有佢哋嘅【松餐放题】，系日式嘅火锅自助餐。于是就带我女朋友一齐嚟食。佢哋嘅装修都系日式嘅，好有日本嘅风格。佢哋呢度嘅汤底系鸳鸯式嘅，分别系酱油汤同猪骨汤。滚出浓浓嘅香味，就忍唔住想快啲落料食。我哋攞咗满满一盒嘅和牛肉。食材睇落去就感觉好新鲜，切得好整齐又干净。将牛肉放入锅里面滚咗之后，散出浓郁嘅味道。一片接一片食就好上瘾，咬落去又软嫩，又好多汁，非常好食。跟住呢个松叶蟹都好好食，好新鲜，肉质鲜甜。滚耐咗令到汤底都变得更加香甜。𠮶日我哋食咗好多松叶蟹，非常好食。后尾我哋仲攞咗啲豚肉，佢哋处理嘅厚度啱啱好，煮好咗一口咬落去，配埋香甜嘅汤底，非常好食。𠮶阵时食到好饱，好满足，有机会仲想再嚟。