Burger Joys (士丹利街) (已結業)

其实食完真觉得普普通通，都唔知点解啲人话到香港最好食咁。仲要有咁多人俾好食评，真系一头雾水。我去好多间本地细间小店嘅汉堡包都可以好食过佢，而且平一半。我期待嘅汉堡包系会用传统嘅汉堡包嘅面包，焊到有少少脆口同干身。之后，肉要有肉汁。啲汁系咬落去会流去面包度。芝士应该要有芝士味，唔系得个样。可惜，依度一样都做唔到。面包似牛油餐包，柔软有牛油香但唔系汉堡包所期待嘅感觉。肉无肉汁，食落好次无食到咁。里面嘅菜无𠮶种咬落去脆口有中和返牛肉嘅油嘅感觉。我食完觉得自己食咗过隔咗油嘅牛肉饼用牛油餐包夹住。食完个burger joys，一啲都唔似食咗burger ，亦都唔系好joyful。啲炸薯条亦都太咸，酒水有太贵。唯一我觉得做得好嘅系佢嘅水牛汁炸鸡翼。如果想食鸡翼都可能谂过返嚟。但系...但系喺依个疫情时期，仲要系港岛区爆紧疫情，竟然厨房同招待客人嘅都可以唔带好口罩。净系带到遮住个口，唔遮个鼻。睇到之后我作为食客都觉得好唔安心同无胃口。我真系唔会再返嚟帮亲。