影片
更多
2022-07-04
1065 浏览
入座起计90分钟，每人至少消费$120我当日系去食下午茶，见到雪菲蛋糕好想试，但三层架下午茶唔俾拣雪菲蛋糕，所以决定散叫。望望餐牌，蛋糕平均$52，嘢饮平均$50-$55，每人食一件cake一杯嘢都唔够minimum charge㖞..好啦唔紧要，叫个迷你挞set $138+蛋糕+嘢饮咪够啰，sorry今日迷你挞唔卖，想食就叫三层架下午茶$398啦，里面有迷你挞。如果想食雪菲蛋糕呢？咁就要两个人叫3件蛋糕+2杯嘢饮喇，如果你一个人重惨，要叫两个蛋糕先储够数。全程玩数字游戏，不断攞个计数机出计点先又可以食雪菲蛋糕，又可以过佢个minimum charge，最尾一怒之下，算啦放弃雪菲蛋糕，食三层架唔好烦。等待下午茶期间，见到加入会员可以送6件迷你挞，有效期一个月，心想一个月内未必会再嚟，不如今日换埋佢，sorry今日唔送，想食迷你挞可以叫三层架下午茶。店员服务态度，不行。轮到讲食物质素，咖啡，有咖啡渣喺底，杯house coffee系淡的，加奶会开心少少，但都唔系好饮。Strawberry Lychee Green Tea，本身都冇乜期待有咩特别，事实都系，不过不失啦。三层架下午茶，啲迷你
我当日系去食下午茶，见到雪菲蛋糕好想试，但三层架下午茶唔俾拣雪菲蛋糕，所以决定散叫。望望餐牌，蛋糕平均$52，嘢饮平均$50-$55，每人食一件cake一杯嘢都唔够minimum charge㖞..好啦唔紧要，叫个迷你挞set $138+蛋糕+嘢饮咪够啰，sorry今日迷你挞唔卖，想食就叫三层架下午茶$398啦，里面有迷你挞。如果想食雪菲蛋糕呢？咁就要两个人叫3件蛋糕+2杯嘢饮喇，如果你一个人重惨，要叫两个蛋糕先储够数。全程玩数字游戏，不断攞个计数机出计点先又可以食雪菲蛋糕，又可以过佢个minimum charge，最尾一怒之下，算啦放弃雪菲蛋糕，食三层架唔好烦。
等待下午茶期间，见到加入会员可以送6件迷你挞，有效期一个月，心想一个月内未必会再嚟，不如今日换埋佢，sorry今日唔送，想食迷你挞可以叫三层架下午茶。店员服务态度，不行。
轮到讲食物质素，咖啡，有咖啡渣喺底，杯house coffee系淡的，加奶会开心少少，但都唔系好饮。
Strawberry Lychee Green Tea，本身都冇乜期待有咩特别，事实都系，不过不失啦。
三层架下午茶，啲迷你挞个个都差唔多味，糖霜味，唯一个朱古力挞不错，咸食不过不失，都算几精致，最成功系𠮶两个蛋糕，榛子朱古力慕丝＆意式萨赫蛋糕，起码食落去慕丝口感好滑，系用心之作。
总结，其实最唔开心都系个minimum charge，平时食嘢都好少有阻碍，叫得都有多冇少，老实说如果蛋糕一件卖$70，我都觉得ok，起码唔洗计数计得咁辛苦先。最后为大家奉献一个又食到雪菲蛋糕，又唔洗一人食两件蛋糕，又过到min. charge嘅方法，就系雪菲蛋糕$58+特浓朱古力$68=$126
祝大家用餐愉快！
张贴
