神川日本料理

营业中

休息中

终于有机会返嚟尝试呢间价钱合理高质量嘅Omakase。预订食嘢前几日，餐厅会打电话嚟确认价钱同食物喜好，倾好之后就可以放心去食饭，乜都唔使烦，非常方便而且可以揾到符合你budget嘅食品真系丰俭由人，呢一点好值得赞赏。冇花费不必要嘅金钱喺宣传装修同埋漂亮嘅门面，只系focus喺食物嘅质素同客人嘅关系，带住爱嘅一分晚餐。今晚就食咗蜜柑鲷，竹签鱼，dry age 深海池鱼，秋刀鱼，dry age 油甘鱼 / 𫚕鱼， dry age 中拖罗，岛鲣，银鳕鱼寿司，熟成六日拖罗寿司，濑尿虾，生蚝，萝卜沙律，牛坑腩，濑尿虾粥。以上都系我尽量记低，如果写错咗就唔好意思啦。其实成件事我最欣赏系师傅同个team对于煮食同服务客人嘅热情，同埋不断改良，值得大家去支持嘅一间小店。