Pancake 專門紗織 (已結業)

无得旅行的揍仔女日志，今日囡囡话好回味年半前的日本之旅，咁啱我见到铜锣湾有间新野开咗，即管去试下，加上我好喜欢紫薯，呢甜品啱我口味！门口都有条人龙，等咗 15分钟左右终于入得去，由于限二人令，只带囡囡去，我地两个一坐低先睇下有咩食，当然紫薯呢个经典野就必食啦，我女叫咗个朱古力雪糕pancake。等咗10 分钟左右有得食，服务员都有礼貌，先到的是紫薯，一啖啖香浓的番薯味道，唔太甜，我呢类怕肥的人啱晒，里面有一个似用糖/蛋白做的心，底下是松软的蛋糕，非常唔错，我会再食。饮品方面，我叫咗杯cappuccino，我稍嫌咖啡味唔够浓，或且我下次叫一杯斋啡来衬托返个紫薯，咁会更好。我囡囡叫的朱古力雪糕pancake 到了，佢当然话正，基本上小朋友叫呢类系唔会输，我试了一口，唔太甜还可以。整体上地方舒适，有一种日本feel，在挂住去旅行挂到唔知仲乜，呢间新店都算系铜锣湾一个落脚点，可以一试！