廟街香辣蟹

营业中

休息中

难得带鬼佬食地道野，当然要同佢地食大排档啦。大排档呢家野真系买一间无一间喇！呢d 风味点可以错过呢！无谂过睇完餐牌佢地竟然有人话食猪红，仲介绍其他人食！最终猪红黎到，佢地唔止食一旧添。五个人叫左八样野！唔知点解鬼佬好钟意食炒饭！或者好味d 啦！所以叫左杨州炒饭。有虾仁有火腿。蟹就无叫喇，香辣虾同炒蚬就有叫。虾唔抵，128蚊得八只。仲系得手指咁大只。反而配菜同炸蒜就好好味！蚬就甜味偏多，豆豉味唔重！唔辣！炒通菜正常！炸豆付好嫩滑，外面既椒盐味唔会太浓影响到豆付既豆味！鹅片叫左个中牌，大约有十片左右都唔算太差！伙记忘记左俾醋，但个个饿鬼投胎咁，未吖人拎都已经食完。千呼万唤始出来既鱼香茄子煲食唔到有鱼香味。但系d 茄子就非常出色，唔太油。呢个𩠌等左劲耐！追左两次，我谂唔系佢地想要我地张枱都唔知要等几耐。明白佢地旺系要枱既。但都唔洗未清枱就帮我地计数埋单啰。