嚐樂

营业中

休息中

食完泰菜，突然间好想食甜品，于是就搜寻下附近有咩甜品店，一揾见到呢间喺我地食饭附近，食完泰金国转个弯行到街尾就见到呢间位于转角位嘅尝乐啦。店内得几张枱，地方细细，但都睇得出老细几用心去布置，贴落旅游地方嘅明信片同埋相片，一路食可以一路欣赏各地风景，都不失为一个好主意嘅。甜品方面，主要系雪糕嘅配搭，我不喜欢食雪糕，所以就叫了个杨枝甘露，朋友叫了黑炭头和金玉满堂。呢个杨枝甘露又几清新，原来石榴汁嘅香味配合埋金柚同芒果出嚟嘅效果几唔错，唔会甜腻，比起其他食开嘅杨枝甘露味道更为突出。黑炭头有齐晒朋友喜欢嘅曲奇雪糕，朱古力饼同凉粉，一次过满足晒3个愿望。金玉满堂，就咁睇落已经七彩缤纷好吸引，里面有鲜什果，芒果啫喱，椰果同埋小丸子，我试左啖口感也不错。