雲南人家風味餐廳 (已結業)

食咗好多间米线，最钟意呢度，朋友话味道似大陆嘅地道店子。由于星期日、公众假期唔开，以前曾经为咗食佢碗米线，夜晚故意买炸酱米线外卖返屋企，唔食白饭，但就照食阿妈煮嘅𩠌。今日病唔食得辣，要咗猪膶炸酱猪骨鸡汤底。猪膶煮到啱啱好熟，咬落唔韧，炸酱颜色深沉，咸咸地带微辣有肉嘅脂香，同数字哥连锁店𠮶pat好似肉酱意粉色同只有甜味嘅差九皮。米线唔系好弹𠮶种而系一咬即断，个人钟意呢款有米香嘅多啲。今次叫嘅木瓜冰唔够蜜糖味，其实呢杯嘢嘅水准一向有啲飘忽，不过我又系次次都叫。