茶木‧台式休閒餐廳 (青衣城1)

营业中

休息中

青衣城底层新开咗一些餐厅，有一间食炸物几好食，但系排大队，所以转咗场去茶木。呢间都系要排队，不过冇排得咁过份。餐厅入面的设计都几好，而且比较新，坐得舒服，侍应的服务都几有礼貌和有笑容。晚餐套餐加$30：包咗主菜+沙律或甜品+饮品古早味三杯鸡三杯鸡都几香，不过我觉得多油，而且个鸡肉好嫩滑，不过个鸡皮就过份地㶶和硬， 里面仲有一啲葱白，蒜头，整体配搭得宜。黑醋味冧猪软骨分量都几够，味道有啲酸酸地，少少甜，又有啲花椒八角的配料去肴酱汁，所以都几惹味。饭的质感唔似珍珠米，又唔系丝苗米，不过佢系有啲烟韧的质感。紫地瓜慕斯塔紫地瓜唔够香，外边的皮比较多奶味，而且一啲都唔脆。玫瑰红茶够热，而且系用茶木的茶包，上面有几朵玫瑰花，味道好香。枱上面有水自己斟，埋单的时候自己攞张单去柜面找数。