凱柏冰室 (已結業)

虽然八号波做到嘢，唔使返工，但亦无出去买𩠌，所以夜晚就出去食。一直经过海之恋，都想试吓凯柏。个人一向好钟意食常餐，加上见到佢仲系丹麦多士，已经好吸引，所以即刻试一试。至于我老婆就叫做一个铁板餐。因为要比埋小朋友食，唯有忍痛唔食我最爱嘅沙嗲牛肉汤底，叫咗蕃茄汤底，另加煎鸡扒。蕃茄汤底好浓郁，我觉得稍为有点太甜，但相反小朋友就吃到舔舔嘴。最有惊喜系所有煎炸肉类，炸鸡翼、煎猪扒、我常餐另加𠮶块煎鸡，简单而言：外脆内嫩，有应该有嘅肉味，好惹味！值得一提嘅系，铁板餐𠮶啲薯菜，系麦当劳扭扭薯条𠮶种薯条，我个人就觉得好好味。虽然价钱唔平，但能够舒舒服服咁食餐好味嘅晚餐，感觉都几好！下次我已经想朝早去叹过靓早餐！但冰室冷气超冻，去嘅朋友记得带外套。