四寶食堂 (已搬遷) 新店位置

近排好似好多地方都有四宝食堂嘅分店，今次就嚟到天后呢一间试吓。入到去环境都几干净，座位阔落，全程都坐得舒服。附近好多日都系食紧小菜，今日就试吓佢个常餐先，佢个常餐有得配热狗、牛角包或者奶油猪。我叫咗个葱油猪扒拌面配热狗，同埋忌廉乌冬配火腿芝士牛角包。价钱唔记得咗系$68定$78🤣🤣。一嚟到佢个葱油猪扒真系吓亲我，完全系加加加大码，超级抵食！食落猪扒唔会太硬，好松软，外面煎得好香！葱油都好香，用嚟拌面一流个热狗就不过不失啦，正常至于个忌廉乌冬都好好食，乌冬好烟韧，酱汁唔会太浠又唔会太稠糊，挂落乌冬到岩岩好，味道都好好，唔会太淡太咸。乌冬跟餐嘅火腿芝士牛角包🥐，好大件好软熟，夹埋芝士火腿一流！❤️下次再嚟嘅话会试吓佢嘅小菜，斋睇人哋食都觉得好够镬气！😋😋