金龍冰室 (已結業)

行经大围"金龙冰室", 铺面光鲜, 入去食过午餐医肚, 叫了一个常餐A6, $40, 包括有猪颈肉米线 + 奶酱厚多士 + 汉堡扒 + 热奶茶, 另外一个午餐H, 炸猪扒芝士火腿奄列芝士汁捞丁 + 冰咖啡, 原本都正正常常的一间冰室午餐。但食到尾声时, 我食梗碗猪颈肉米线, 无啦啦见到只黑色物体, 打捞起发现有脚！疑似小强的虫呀！！！超惊, 顿时胃口全失, 好想呕！我仲要食左大半碗, 只黑色虫沉了底, 要捞碗米线多几次先打捞它条爬虫的尸上来。同碗米线影了相后, 随即叫侍应过来, 侍应懒懒闲, 仲要话只虫系飞入碗米线内, 我随即反驳 :<个只似小强的野沉左底架, 我仲要食到尾, 打捞左几次先发现到它条尸, 它点飞落碗米线到呀？>, 侍应之后hea收走碗面, 话比多面你食, 我答:<我仲点够胆食呢间铺的食物呀？>, 重覆问了几次侍应点处理, 侍应勉为其难地拿起我们张单, 话这个常餐不用比钱, 并只void了一个常餐, 照计杯热奶茶钱。钱其实不是问题, 只是几廿蚊, 我食得起。 但个心理阴影好大, 我好惊, 简单地食个常餐面都竟然发现里面有虫, 我都不知会否食