民華餐廳

营业中

休息中

今日去左柴湾等男朋友放工，等到好肚饿去左民华食个tea。5点几人客都有好多，我见到有个常餐好吸引，即刻叫左黎试下。蕃茄叉烧公仔面，配多士炒蛋和午餐肉。蕃茄汤底好浓郁，入口酸甜，蕃茄蓉好足料。叉烧份量好多，入口肉嫩唔干身，烧得刚刚好。公仔面吸哂蕃茄汤底，好正啊！多士加左牛油，入口好惹味，烘到脆卜卜。炒蛋好滑溜，蛋味极重。我唔够饱叫多左一客西多士，即叫即制，加左原块牛油，外脆内软。西多士非常松软，面包入口唔会好油腻。