影片
更多
2024-10-14
4173 浏览
服务帮衬之前都睇哂Openrice同Google review知依间野态度麻麻，所以有定哂心理准备，但去到现场又感觉Ok，唔好expect职员会好殷勤好有礼貌同热情，正常对答啦环境天气好风景好靓，有d海风时好舒服。但围栏外系公家路，靠住围栏食嘢睇风景嘅时候会有路人好近咁系你面前经过😂同埋冇海风嘅时候通风情况麻麻哋，虽然我哋已经加咗$400（2个炉)坐海边位，但隔4-5张枱嘅客人有段时间系度烟熏嘢食，我哋隔咁远都俾啲烟攻到标哂眼水，几个屋企人去揾水洗眼，几个去厕所(有冷气)，几个行到出烧烤场外唞气。我哋同职员反映，佢哋话烧嘢食系咁㗎啦，然后见到果枱人带哂公仔面煲同胶盒装烧好嘅野食，我哋谂可能系熟客或者自己友，所以职员都冇温馨提示佢哋影响到其他人啦食物始终系任食都唔会expect质素好好，大部分肉类都腌得偏咸，以假日价$338一位全日任食黎讲，食物种类数量可以接受。但牛扒猪扒猪颈肉等等全部都一大块，记得自己带铰剪或者刀方便进食，现场只有提供环保木刀😂饮品任饮有汽水橙汁苹果汁同水，全部喺汽水机揿出嚟，够哂冻，另有罐装樽装饮品同酒精饮品可以加钱买，大概$10至$20，一定贵过超市但出街食嘢不嬲
帮衬之前都睇哂Openrice同Google review知依间野态度麻麻，所以有定哂心理准备，但去到现场又感觉Ok，唔好expect职员会好殷勤好有礼貌同热情，正常对答啦
环境
天气好风景好靓，有d海风时好舒服。但围栏外系公家路，靠住围栏食嘢睇风景嘅时候会有路人好近咁系你面前经过😂
同埋冇海风嘅时候通风情况麻麻哋，虽然我哋已经加咗$400（2个炉)坐海边位，但隔4-5张枱嘅客人有段时间系度烟熏嘢食，我哋隔咁远都俾啲烟攻到标哂眼水，几个屋企人去揾水洗眼，几个去厕所(有冷气)，几个行到出烧烤场外唞气。
我哋同职员反映，佢哋话烧嘢食系咁㗎啦，然后见到果枱人带哂公仔面煲同胶盒装烧好嘅野食，我哋谂可能系熟客或者自己友，所以职员都冇温馨提示佢哋影响到其他人啦
食物
始终系任食都唔会expect质素好好，大部分肉类都腌得偏咸，以假日价$338一位全日任食黎讲，食物种类数量可以接受。但牛扒猪扒猪颈肉等等全部都一大块，记得自己带铰剪或者刀方便进食，现场只有提供环保木刀😂
饮品
任饮有汽水橙汁苹果汁同水，全部喺汽水机揿出嚟，够哂冻，另有罐装樽装饮品同酒精饮品可以加钱买，大概$10至$20，一定贵过超市但出街食嘢不嬲有系酒水最赚钱所以ok啦，可以自备饮品，但系如果带酒精饮品入场就要俾”开瓶费”
总括嚟讲，几百蚊任食任饮咁多个钟，地方又干净企理有海景，算系咁啦。人多唔想准备咁多嘢都值得嚟帮衬，但系如果人少少就宁愿自己买靓食材，揾个会所烧烤场烧嘢食仲舒服。
张贴
