潮膳 (已結業)

好耐冇食潮州菜，今晚喺湾仔轩尼斯道行街时望到呢间潮州餐厅嘅厨窗挂住啲潮州卤水鹅，所以入去坐低食晚饭，餐厅入面干净企理，灯火通明，楼底又够高，空间感十足，未开始食已经感觉良好。唔驶谂，即刻叫左一碟例牌嘅潮州卤水鹅，鹅片厚薄适中，唔会太咸，里面有豆腐卜同大豆牙菜，好耐冇食，实在太棒了。仲叫左个鲜淮山猪肚汤，上枱时热辣辣，份量唔会太多，一个人饮啱啱好。当然唔会忘记好耐无见嘅𧐢仔粥同埋𧐢仔饼，𧐢仔细细粒涨卜卜，入口滑嘟嘟好得意。餐牌见到有冰梅脆香骨，要左一个，原来喺一字骨，好开心，因为我钟意食充满钙质嘅软骨，呢款菜唔单止每条一字骨都有大大小小嘅软骨，啲肉仲要喺半肥瘦，加上面头有一层厚厚嘅透明甜酸酱，所以香脆可口唷。