臨記車仔麵 (已結業)

呢间临记车仔面，系少有平价而又非常干净企理嘅车仔面档。平时去开嘅车仔面档都比较地踎，呢度有地踎嘅价钱，但系相对高质。今日我嗌咗牛魔王，配搭车仔面少有嘅蕃茄汤底🍅又几特别㖞! 牛魔王包括--牛腩/牛肚/牛丸/萝卜/韭菜，𩠌菜分量非常之多!牛腩炆得好淋而且入味。 牛丸非常爽弹牙。同蕃茄汤底估唔到可以咁相亲! 孜然鸡翼非常香口， 又够juicy!菜心都好靓全部好粗身，而且份量算大碟15蚊非常抵食! 仲有不得不提嘅酸斋，好烟韧，酸酸味味非常开胃!!