Kinson Burger & Bar (已結業)

今日仲系放紧复活节假，我同老公一齐由屋企行到嚟呢度，觉得午餐价钱都OK，又有户外位，可以对住少少花花草草食下西餐，都几唔错，于是就坐咗落嚟。户外位少不免有人食烟，但系因为实施左1.5米距离，其实都仲忍得到d二手烟。嗌咗个黑胡椒牛肉汉堡，薯条系又粗又大条又好味，但系觉得牛肉太过干，仲分分钟干过啲薯条，而且so far我都未食过黑胡椒咁重嘅牛肉汉堡，有少少唔惯， 个汉堡包食完都好干，不过嘢饮有半价，最后每个人埋单$90 ，都算非常合理的，味道不过不失咁，假期㖞，又喺呢边人少嘅地方，环境都好舒适，都冇囇亲，因为有太阳伞。大家都好chilled，都带埋只狗黎食饭，气氛都几唔错。如果佢可以个牛肉唔好用咁多黑胡椒调味，而且有返啲水份，咁我会食得更加开心。