老街 (已搬遷) 新店位置

以前成日食老街对面个间谭仔，每次食完行出黎都见到老街个招牌。每次都想去食（因为我好钟意食台湾菜😂），但每次都无去食。呢日同男朋友系旺角行街，唔知食乜好，我就提议食老街。个阵系六点几钟，晚市开始无耐，但舖内已经唔少人。虽然仲有空台，但侍应都系叫我地搭台，应该系方便之后有四人或以上既客入座。不过卡位黎讲真系算窄，坐得好迫，呢样系成餐饭最唔开心既地方😩。我嗌左盐酥鸡肉燥干拌新竹米粉（米粉要+$3），男朋友因为唔太饿，所以就嗌左细碗卤肉饭，再一人一支冬瓜茶。落单个阵，个侍应无落到落米粉，我地又挂住倾计无check单。到上菜既时候先发现，不过同侍应讲声，佢地都肯转番比我👍🏻。身为米粉爱好者，无论粗定幼既米粉我都钟意食🤣，不过捞米粉就一定系用幼身米粉。之前食过另一间台式餐厅，佢地既米粉系好细一碗，食完都好空虚，但老街既捞米粉就好够份量。除左本身既盐酥鸡同肉燥之外，仲有大豆芽、葱花、青瓜丝同半条青江菜。佢地既米粉有比足够既汁，食落唔会太干，肉燥就好入味。盐酥鸡炸得好香，鸡肉好嫩😋。至于男朋友嗌个个卤肉饭，我净系试左一啖仔（唔系太钟意食卤肉），不过好香好够味👍🏻。冬瓜茶甜度都岩岩好，但系送到黎既时候唔