B.Two House (已結業)

听今日食晏时候误打误撞嚟到呢度 ，工业大厦入面有间小清新嘅cafe ，觉得去咗世外桃源一样，入面嘅装潢虽然简单，但系都清新少女感觉。 见到舖头写话午餐都系$50，长者又或医护人员午餐仲有半价， 系半价！仲免费送多个面包， 觉得佢哋真系好有良心嘅香港小店。 铺头细细由一家三口去经营， 我哋嗌咗两个午餐， 同埋额外嗌咗几个bagel 试下。 午餐嘅食物因为太肚饿唔记得咗影相 都系啲 大路嘅芝士意粉或者饭 虽然味道冇乜特色但都几有家嘅感觉 两杯嘢饮就比较特别 我喺咗杯岩盐低脂咖啡 有香浓嘅cream 少少咸调味之下令到杯咖啡嘅香浓更加突出。 黑糖柚子茶亦都唔会死甜 ，几啱女仔减肥又想食甜野。 最有特色嘅当然就系佢哋嘅贝果， 我哋试咗原味、蒜味 同埋芝士味， 听老板讲系自己整， 无落防腐剂添加剂， 即叫即焗 ，热辣辣食真系好香㗎，沾上cream butter 食劲正。 18蚊一个嘅价钱 ，可以食到自家制新鲜嘅贝果其实都物有所值。 佢哋仲有买一啲大路嘅面包例如芝士棒芝麻包等等全部都系几蚊个 好值得大家去支持💛💛