小馬哥

营业中

休息中

。O小姐。街坊小店。日常。今日嚟到佐敦，发现充满人情味嘅街坊小舖头！下午茶或者炒粉面饭都仲系30几蚊，仲要大大碟，足料！两人叫咗个下午茶，双拼公仔面（五香肉丁拼沙嗲牛肉），个面煮得啱啱好，好爽身，唔会太淋，配埋个冻鸯👍🏻。再加一个猪扒炒面，猪扒有好多旧，个面底好大，好有镬气！喺呢度食嘢个感觉就好似喺太安楼食嘅炒粉面饭！估唔到喺佐敦都可以有呢一个感觉！虽然喺横街入面，舖头细细，但系一打开门之后，入面干净企理，仲有两只猫猫添！其中一只猫店主，都已经14岁，但系主人照顾得佢好好，我哋仲亲眼见到主人帮佢R痕添。而另外一只就好乖喺个纸盒度瞓紧觉觉猪。听返老板讲，原来之前有第三只猫，不过有一面突然间唔见咗，隔篱舖头都系，好似话应该系俾人偷咗😿呢间餐厅应该主力都系做街坊生意，老板好健谈，同客人都可以倾吓偈，我谂呢啲就系旧香港，旧街坊，够人情味嘅感觉。而系而家连锁店林立嘅时候，真系买少见少。💪🏻同老板既对话中，觉得佢对动物都好有爱心，成间餐厅都企企理理，麻雀虽小，但系都填饱咗唔少人个胃。