孖寶去骨海南雞 (已結業)

匆匆忙，匆匆忙！见到间舖头有位，就衔入去坐低，食海南鸡饭。睇下个餐牌，发觉原来呢度都几平，即刻开心。去到海南鸡铺头，当然系叫海南鸡饭食，唔通叫个汉堡包咩。 海南鸡饭嘅油饭，味道都够香，不过就干咗啲，食起上嚟就唔够油润，如果系跟星加坡嘅标准嚟讲，就系唔合格。标明系去骨嘅海南鸡饭，鸡当然系冇骨， 不过鸡皮系唔算好薄，鸡肉食一啖就知 唔够嫩滑，肉质好干，鸡味就更加欠奉，如果唔点下啲酱汁，就冇咁好味。可以咁讲平就够平，但系就唔够好味。