孖寶去骨海南雞 (已結業)

匆匆忙，匆匆忙！見到間舖頭有位，就銜入去坐低，食海南雞飯。睇下個餐牌，發覺原來呢度都幾平，即刻開心。去到海南雞鋪頭，當然係叫海南雞飯食，唔通叫個漢堡包咩。 海南雞飯嘅油飯，味道都夠香，不過就乾咗啲，食起上嚟就唔夠油潤，如果係跟星加坡嘅標準嚟講，就係唔合格。標明係去骨嘅海南雞飯，雞當然係冇骨， 不過雞皮係唔算好薄，雞肉食一啖就知 唔夠嫩滑，肉質好乾，雞味就更加欠奉，如果唔點下啲醬汁，就冇咁好味。可以咁講平就夠平，但係就唔夠好味。

今晚好想食肉燥飯，於是去咗孖寶食依舊人客唔太多，環境坐得舒適，今次我點左肉燥豬扒飯（已叫侍應多汁）、熱檸茶。等左大約7、8分鐘，肉燥飯上枱啦豬扒新鮮炸起，好味道，而且好入味不過都係上次個問題，豬扒太薄，識落唔夠喉佢嘅肉燥係好味道嘅，不過雖然叫咗多肉燥汁，但係就依然俾得少，所以令到個飯好乾身食多兩啖白飯頂唔順唯有叫侍應比豉油先好啲啲，呢點真係要改善一下。因為其實食物係好味道嘅，但如果只係因為差少少汁而破壞左就唔抵，希望下次有改進

今晚懶得出街食，於是買左孖寶外賣叫左個煎肉餅飯同埋一個咖哩豬排飯（叫左多汁）個餐包埋兩個例湯，例湯照舊係紅蘿蔔粟米湯，依舊清甜好味食下湯渣紅蘿蔔感覺都健康啲先講煎肉餅飯，啲肉餅都煎得唔錯嘅，食落都幾香口架，而且份量所足夠呢至於個咖哩豬排飯，啲咖哩夠晒杰身，不過我就覺得多油左少少，如果咖哩汁少啲油會更好，而且夠辣岩晒我不過上次食有幾舊薯仔，今次得一細條薯仔咋，唔夠喉至於豬扒都好味嘅，炸得夠香口，食落味道唔錯

這天去了孖寶海南雞食lunch 雖然大部分人都係食海南雞飯，但我地就叫左一個豬扒肉燥飯/凍檸茶、咖哩魚柳飯/熱檸茶（兩個飯都叫多汁）試下先。大約10分鐘後，肉燥飯黎先，幾吸引啵，豬扒炸得剛剛好，唔會乾，肉質彈牙，而且無肥肉，岩晒我地不過就簿身左啲，如果塊肉厚身返少少就更好，肉燥味道唔錯，送餸一流咖哩等左15分鐘終於上枱啦，即刻試下啲咖喱先，入口一刻微辣，夠杰身，咖哩汁好好味不過魚柳雖然多件數，但就無乜肉，應該只係舊炸粉厚，下次試下咖哩豬扒先

考完試就食吓嘢，呢間未食過就試吓（其實元朗勁多間都未食過😂）一入去老闆娘好親切嘅笑容迎接我，一坐低，見到餐牌有一個$32嘅去骨海南雞飯，好平，飲品要加$3，加雞$6，佢仲送一碗湯😊，飯餸好快上枱。☆湯:冬瓜湯有少少味精，三粒冬瓜🤔☆薑蓉/酸辣汁:正常🙂☆青瓜:三塊😊但好似亂咁放😑☆雞件:6塊左右，有雞皮，但無乜啫喱狀係雞肉同皮之間，雞有啲鞋（唔係塊塊都係）😐☆油飯:好香，粒粒分明🤩總括而言，佢勝在便宜，但得一款係咁平，但都算好食，所以值得一試，或者食過番沉味😁😁