天悅海鮮酒家 (已結業)

前排冻冻地，一谂就谂到打边炉啦XD 于是就约埋班朋友一齐去打边炉啦^^因为大家都住屯门，屯门有间酒家打边炉又平又正又靓，就去试下啦!去到见到个门面，都系一般屋邨酒家唔系特别靓仔，但系再睇埋个价钱真系好吸引，好平㖞!汤底我地叫左蕃茄薯仔猪软骨，黎到之后都觉得几足料，一打开盖已经闻到阵蕃茄薯仔味，好香，饮2啖汤底好甜，好好味，猪软骨就少左D，似排骨多D!朋友平时食开既，就推介左我地食「脆鲩片骨腩」&「鲩鱼片骨腩」，鱼腩系整条鱼最好既地方!先试脆鲩片骨腩，超好味!食落口脆卜卜，肉质又结实，就算烚左好耐都唔觉得D肉散晒，而且师傅落刀切既厚薄刚刚好，值得一赞!之后再试鲩鱼片骨腩，食落我地都觉得麻麻地，无脆鲩片咁好食，D肉直头有少少”梅梅地”，唔建议叫，就算叫都1,2碟好了。肥牛，简直就系打边炉必食!我地一开始就疯狂地叫左4碟肥牛，但系食落…好麻麻地，D牛我直头用「冰」去形容，块与块之后系分唔开既…明显系岩岩系雪柜拎出黎…唔系师傅即场切，望落D牛肉度，完全系肥膏多过肉，我地食左1碟之后都唔系好够胆再食，因为真系好肥=.=另外我地仲叫左羊肉，我觉得反而羊肉好味好多，颜色系浅粉红色，肉质有弹性，肥膏又