享丼丼 (已結業)

平日中午时间呢度好多人，反而今次星期日中午黎到就唔使等位，无乜人。呢度午餐有很多选择，有刺身饭、乌冬、丼饭等等，我最钟意就系佢啲套餐多数都系有一个主食再加个卷物、寿司或者小食，感觉冇咁单调👍🏼今次就叫咗个牛肉丼饭，套餐除咗有个饭之外仲有三粒章鱼小丸子、面豉汤、同埋冻绿茶。套餐嘅章鱼小丸子都唔预佢会好好食架喇，不过黎到都好够热，外皮脆卜卜，入面都真系有粒章鱼，味道有少少辣，所以都绝对收货👌🏼。至于个牛肉丼饭， 十分大碗，同吉野家唔同嘅就系呢度多咗啲黑椒，不过黑椒比较大粒，口感有啲影响，有时食落好似有啲蛋壳系入边嘅口感。另外都要赞下呢度嘅伙计（定系老板?），唔好睇佢哋系几个男人，其实佢哋好有礼貌，所以食都食得开心啲👍🏼