A8's Cafe (已結業)

大埔一向出名多嘢食，Lunch经过一间新开张嘅地舖西餐厅，门面好开阳，佢嘅餐牌食物都几适合我哋，所以入咗去试吓。餐牌上嘅食物图片色彩缤纷，好吸引我哋，随即就叫咗几款食物。当然叫我最钟意嘅英式早餐A，主要目的我都系想食炒蛋同埋炸薯饼，薯饼炸得好香脆可口，炒蛋好有牛奶味道，口感好滑。小食方面，叫咗烟肉芝焗薯系餐厅嘅推介食物，有我手掌咁大嘅薯仔用锡纸包住，面头有芝士酱同埋烟肉粒，食落去薯仔软绵绵，好香口。主菜方面叫咗香草澳洲羊鞍同埋蒜蓉扒大虾🍤，羊假有三枝，食落去一啲都唔骚，而且有好浓郁嘅香草味道，肉质鲜嫩，必食。最后就系叫咗个蒜蓉比目鱼配柠檬牛油汁，比目鱼好香滑。餐饮方面叫咗热华田，华田味道浓郁，好有奶味。最后埋单都只系四百几蚊左右，两个人食咗咁多野，实在太丰富了，大家都非常满足。