牛牛台式鴛鴦火鍋

营业中

休息中

用餐时间：普通星期1 1900-2100呢度鸳鸯汤底唔洗加钱，所以就试下麻辣搭沙爹。汤底同其他平价火锅一样都系偏淡。餐厅空间比较逼，坐落唔系好舒服。除左海鲜同肉类之外，其他野都系系自助区攞。选择系几多既，个人比较钟意既材料系鸭血同埋午餐肉。雪糕有dreyers 大桶装，亦都有细细地既杯装雪糕。饮品有自制既饮品，亦都有外购既饮品，整体都算齐。甜品就系小杯装𠮶啲，不过我觉得平价放题店既甜品质素多数都系麻麻地，所以我就无食到。牛肉有3种，分别系牛梅花，牛小排，安格斯牛。个人觉得牛小排最好，其他两种都系麻麻地，所以都系主要食牛小排。海鲜试左虾，八爪鱼，脆肉鲩。虾同八爪鱼渌完缩水到超细只，个人唔推介。而脆肉鲩比较多细骨，我呢啲唔钟意吐骨既人就唔会钟意。最后埋单免加一系$474，3个人平均每人$158。作为一间平价放题黎讲，我觉得佢哋系合格既，尤其系牛肉水准确实唔错。